Home Loan by Army Group Insurance Fund (AGIF)

Article Ke Highlights - 

• AGIF se direct loan vs. AGIF ke through bank se loan.
• AGIF se home loan lene se pehle kin baaton ka dhyan rakhe? 
• Eligibility, ROI aur documentation ka process

Army Group Insurance Fund (AGIF), jo ki Army Group Insurance (AGI) ke under aata hai, serving army personnel ko direct home loan deti hai. Iske alava, AGIF ne public aur private banks se bhi tie-up kiya hua hai aur unke through bhi loans disburse kiye jaate hain. 

Iss article mein hum AGIF se directly diye jaane waale Home Loan ke baare mein baat karenge.

AGIF loans kya hote hain?

Currently, AGIF, apne members ko House Building Advance deti hai jab vo active Army Service mein hote hain, aur yeh loan unhe retirement date tak repay karna hota hai. Agar aap retirement ke kareeb hai aur loan lena chahte hain, to aapka EMI, due to reduced tenure, badh jata hai jo unki monthly repayment capacity se adhik ho jata hai. Aise cases mein, external banks remaining amount ko prevalent interest rates par fund karte hain. AGIF loans army personnel ke credentials ke aadhar par sanction kiye jate hain. Loan amount salary, khareedne ja rahe ghar ki value, aur applicant ko available subsidies ke hisab se calculate kiya jata hai. AGIF home loan home repairs ko finance karne ke liye bhi use kiya ja sakta hai.

AGIF Home Loan interest rate 2023 (click here for latest interest rates)

AGIF loans ke rate of Interest rank ke hisab se alag-alag hai. 

• Officers - 7.5%
• JCO - 7.0%
• ORs - 7.0%

Home Loan Limits:

AGIF loans ki limit rank ke hisab se alag-alag hai. 

• Officers - 80 Lac
• JCO - 35 lac
• ORs - 30 lac

Documents required for AGIF home loans 

AGIF home loan ke liye required documentation kisi bhi regular loan jaisi hoti hai. Required documents mein shamil hain-

• Building plan
• No Objection Certificate
• Sale deed of the plot
• Mutation certificate
• Local municipal body se necessary sanctions aur certifications
• Utility bills

How to apply for AGIF home loan?

Follow karne ke liye steps yeh hain:

• Delhi mein AGIF main office visit karke application booklet collect karein
• Booklet main forms ko required documents ke saath submit karein
• AGIF team applicant ki service tenure, credibility, aur rank ke basis par home loan ko approve karegi
• Approval milne ke baad, ek AGIF home loan deal sign ki jayegi between the concerned parties

AGIF home loans Eligibility Criteria 

Army personnel ko allocated ki jaane wali AGIF home loan amount kuch factors par depend karti hai, jaise ki applicant ka rank, service duration, aur credit history, etc. Applicant ko minimum two years tak Indian Army ki service karni chahiye. Retired aur re-employed PBOR/Officers eligible nahi hai.

Ustad Ke Observation: 

• Ye loan sabse accha option hai agar aapki service 10-15 saal bachi hai. Isse aapko zyada loan milta hai aur EMI bhi kam hoti hai. Retirement date ke nazdeek, aapka loan amount kam ho jata hai, jisse aapko baaki amount bank se directly higher rate of interest pe lena padta hai. 
• Agar aapko aapke loan ki requirement puri karne ke liye AGIF ka direct loan nahi milta hai, to aap AGIF se tie-up kiye hue sarkari ya private bank ko approach kar sakte hai. Inka rate of interest kuch points zyada hota hai AGIF ke direct loan se. Iski adhik jaankari ke liye yaha click kare.
• AGIF ka loan process offline hai, jiske karan loan approve hone mein zyada samay lagta hai, agar aap seedhe bank se home loan lete hain toh. Is samay ko aap apni planning mein zaroor add karein taaki builder se koi challenge na ho. Aam taur par, saare approvals ke baad, 3-4 hafte ka samay lagta hai loan disbursal ke liye.
• Loan ko approve karwane ki poorn zimmedari Fauji Family ki hoti hai. Aam tor par, agar aap builder ke sath tied-up bank se loan lete hain, toh aapko builder ki taraf se bhi madad milti hai loan processing ko tez karne ke liye.
• Ye loan aap keval ek bar hi le sakte hain
• Recent change ke hisab se, AGIF ka loan aab aap plot lekar ghar banae ke liye bhi kar sakte hai. Iski adhik jaankari ke liye yaha click kare.

Conclusion - Agar aap eligibility criteria meet kar rahe hai to zaroor AGIF se home loan sanction karvaye lekin disbursment ke liye thoda extra time le kar chale. Apne builder ko clearly bata de ki aap AGIF se loan le rahe hai aur aapko extra time chahiye. 

Jai Hind!